Það var eitt kvöld úti á Spánu... voða, voða gaman

Þetta er greinilega steindauður vefur hjá okkur (ykkur). Fenguð þið kannski alveg nóg hvert af öðru á útskriftarafmælinu í fyrra?

Datt bara svona í hug, ef ske kynni að eitthvert ykkar myndi ramba hér inn, að segja af mér örlitlar fréttir. Í gær flaug ég til Spánar - keypti mér miða aðra leiðina og er sestur að á Costa del Sol, nánar tiltekið í úthverfi Marbella sem heitir Nueva Andalucía. Fannst rétt að drífa í því (ekki þó Drífa Skúla) að rífa mig upp og fara á nýjar slóðir áður en ég yrði of gamall, sem aftur minnir mig á það að á morgun verð ég hálffimmtugur (blóm og kransar afþökkuð).

Og þetta er að sjálfsögðu frábær tímasetning því eitt af mínum fyrstu verkum var að fara á pöbb til að horfa á Spánverja taka Rússa í nefið. Hlakka til að sjá þá vinna Þjóðverja og geta fagnað Evrópumeistaratitli með nýjum nágrönnum.

Með sólarkveðjum úr 29 gráðu hita.

Halli del Sol
haralduring.blogspot.com

Athugasemdir

[SVS 1982, 29.6.2008 kl. 22:42]

Frábært Halli.

Nokkuð sem alla langar til að gera en fáir framkvæma.

Fagnaðir þú með nágrönnum þínum ??

Kv./ÓA

[Halli (IP-tala skráð) 6.7.2008 kl. 20:40]

Fagnaði vel og lengi með nýjum nágrönnum. Var búinn að ákveða það þegar mótið hófst að úr því ég væri að fara til Spánar rétt fyrir undanúrslit og úrslit myndu þeir að sjálfsögðu gera það fyrir mig að vinna mótið. Skemmtileg upplifun að fagna Evrópumeistaratitli í knattspyrnu, eitthvað sem Íslendingar gera ekki á hverjum degi.

[Magnús Guðjónsson, 7.7.2008 kl. 19:48]

Flottur  á því  Háll,  Marbella  er  stórkostlegur  staður, kom  þar  í   Apríl  1980 og gæti  svo  vel  hugsað  mér að setjast  þar  að  í  ellinni  eins og þú  ert að  gera   Hafðu  það  svo  sannarlega gott  kæri  skólabróðir  og  til  hamingju  með  evrópumeistarna  þína ..